JASANGARRITASUNA

Mundu jasangarriago bat sortzen lagunduko duten helburuak betetze aldera, Angostoko Kanpinaren lanak ez du etenik. Horregatik, Europar Batasuneko Ecolabel Etiketa Ekologikoaren ziurtagiriarekin hitzartutako konpromisoari eusten diogu 2019tik. Horren xedea etxeko eta enpresako ekologismoa sustatzea da, ekonomia zirkularraren aldeko apustua eginez.

Euskadiko Tusimoaren Kode Etikoa ere sinatu dugu, gizartearekin, jasangarritasunarekin, ekonomiarekin, kulturarekin eta gure eguneroko jardunean aplikatzen ditugun funtsezko printzipioen eta abar luze batekin arduratsu izateko konpromisoa hartuz.

Egunero ekiten diogu erronka honi, hala gure barne funtzionamenduan, nola bezeroa kontzientziatzeko lanean. Gutxieneko ingurumen-eragina gure ikur bihurtu dugu, ontzietan material jasangarriak erabiltzearen aldeko apustua eginez jate-edate zerbitzuan, sortzen ditugun hondakin organiko guztiekin konposta sortzeko eta elikagaiak alferrik ez galtzen laguntzeko, bezeroak soberan duen janaria eramateko eskatzera animatuz.

Angosoto Kanpineko gainerako lan esparruak gorago aipatutako erronka berberen lekuko dira, benetako erronka lan eredu ekologiko, efiziente eta solidario eta arduratsu bat eraikitzean datzala uste dugulako.

ANGOSTO KANPINAREN HELBURUAK INGURUMENA BABESTEKO ETA ZAINTZEKO

Energia zirkularraren printzipioak bete 5B (gazteleraz 5R) estrategiaren bidez: kontsumoa beheratu, matxuratutakoa berrosatu, osagai erabilgarriak berreskuratu, hondakinak berrerabili eta birziklatu.
Ur, energia eta erregai kontsumoa minimizatu.
Hondakin atmosferikoen eta zarataren kudeaketa eraginkorra egin.
Hondakin-uren kudeaketa eraginkorra egin eta substantzia kaltegarriak egoki manipulatu.
Kanpinean egingo diren eraberritze edota aldaketa guztiei ingurumen aldaera aplikatu.
Turista, gure kultura eta tradizioa ulertu eta errespetatu.
Etorkizunerako ikuspegia izan eta bikaintasuna bilatu.
Gure langileen eskubideak bermatu. Gure burua prestatu, babestu, lagundu eta errespetatuz gure enpresa haztea lortzen dugu.

Badakigu modu jasangarrian egindako turismoak gure lurraldearen garapenean lagun dezakeela, eta horregatik, gure bezero guztiak animatzen ditugu konpromiso honekin bat egitera. Konpromiso hori unibertsala eta baliagarria da gutako bakoitzaren eguneroko jardunean eta praktika pertsonalean.

Leku paregabe hau ezagutzera etortzeko konbentzituta bazaude, Euskadiko Turista Arduratsuaren Gida hau kontsultatzea gomendatzen dizugu.